Wasiirka Caafimaadka Puntland oo soo gabagabeeyay Kormeer Caafimaad oo uu ku tagay Gobolka Mudug.

Wasiirka Caafimaadka Dowlada Puntland,Agaasimaha Guud ee wasaaradda Caafimaadka,Agaasimaha waaxda Caafimaadka Asaasigaa ah ayaa soo gabagabeeyay safar Shaqo oo ay ku booqdeen Xarumaha Caafimaad ee ka jira Galkacayo,Balli Busle,Jariiban,iyo Dhinowda, iyagoo eegaya sida ay ushaqeeyaan MCHyada ku yaal xarumahas.

Mudadii ay booqanayeen wasiirka iyo wafdigiis deegaanadas waxay kulan la qaateen maamulada degmooyinka, waxgaradka iyo Howlwadeenada Caafimaadka waxayna ka wada hadleen sidii kor loogu qaadi lahaa Caafimaadka Dadweynaha iyo wixii caqabadaha ee jira dhanka Caafimaadka iyo Guud ahaanba Nolasha Bulshada.

Wasiirka Caafimaadka ayaa sheegay in ay ka go’antahay wasaaradda Caafimaadku wax weyn ka qabato baahiyaha caafimaad ee ka jira Puntland,isagoo sheegay in safarkisii Mudug uu wax badan kusoo arkay.

fcha2g1d1