Wasiirka caafimaadka Puntland oo kulan la qaatay maamulka iyo shaqaalaha isbitaalka guud ee Garowe

_DSC4341-1Wasiirka caafimaadka dowladda Puntland Dr.Cabdinaasir Cuuke ayaa  ka qeyb galay shirka subaxlaha ee ay  isugu yimaadaan Maamulka iyo shaqaalaha isbitaalka guud ee magaalada Garowe.

Wasiirka caafimaadka waxaa uu warbixin ka dhageystay agaasimaha isbitaalka Garowe Dr. Cabdisamad Axmed Jaamac, isagoo kadibna uga mahad celiyay agaasimaha iyo shaqaalihiisa doorka lama ilaawaanka ahaa ee ay ka qaateen baxnaaninta ciidamadii ku dhaawacmay dagaalkii lagu jabiyay argigixixisada Alshabaab ee bishii Maarso ka dhacay dhulka xeebaha Mudug iyo Nugaal.

Dr.Cabdinaasir Ciise ayaa sidoo kale u mahad celiyay maamulka iyo shaqaalaha caafimaad ee isbitaalada Gaalkacyo, Garacad iyo Godob jiraan, kuwaas oo iyagana  door ka qaatay adeega caafimaad ee ciidamada difaaca Puntland.

Intaas kadib wasiirka caafimaadka Puntland ayaa qeybta ilmaha murjuca ah iyo waaxda carruurta ku dhasha dhiciska, isagoo halkaasi kula kulmay gabadho samafalayaal caafimaad ah oo dalkooda si mutadawacnimo ah ugu shaqeynayay,wuxuuna si gaar ah ugu mahad celiyay gabdho reer Puntland oo qurbaha uga yimid inay aqoontooda caafimaad wax ugu qabteen shacabkooda.

IMG-20160509-WA0013 IMG-20160509-WA0010 IMG-20160509-WA0009 IMG-20160509-WA0014